हामी नेपाली

---

दिनेश कोइराला

 

एउटा बगैंचा न हो हाम्रो देश

हिजोका झारहरूका चपरि पल्टि सकेको

बोक्सीकाँडा मात्र एकछत्र मुस्कुराँउने दिनहरू

उल्टी सकेको

 

अब त यहाँ सयपत्रीको उमङ्ग

मखमलिको सुस्केरा बन्दैन

भूईचम्पाको उदयले असारेलाई अप्ठेरो पर्दैन

पर्दै पर्दैन किनकी...

पर्नै हुन्न ।

 

फुल्न चाँहि भुल्न भएन

जुन कुनामा फुलेर पनि सुगन्ध दिए त भै गो

जुन बान्किमा खुलेर पनि सुन्दरता दिए त भै गो

त्यसैले म भन्छु

भाषा जुनै बोले पनि

छाती भरि राष्ट्रीयता भए त भै गो,

चाहे त्यहाँ नमस्कारको लेघ्रो नहोस्

तर एकले अर्कालाई भेट्दा अभिवादन होस्

आलु, पिडालु, सिमि, बोडी

अखिर तरकारी त तरकारी

तारेमाम, ˆयाफुल्ला, तासिदले सेवारु,

प्रणाम, नमस्कार, हेलो, बोझु,

निहाउ, ओए गोजुमस

बस ! जो देशको माया गर्छ

नेपाली त नेपाली

हामी नेपाली, हामी नेपाली ।

Author - दिनेश कोइराला | Posted on Aug 5 2010 Thursday | Views : 5169
कुसुस्को राष्ट्रिय कविता प्रतियोगिता २०६६