सडक (प्रथम)


खुल्ला आकाश मुनि बसेर
म पहरेदारी गरिरहेाछु
इतिहासको लिखितअलिखित अध्यायहरूको ।
मलाई जम्मै थाहा छ
तोक र आदेशमा
कतिचोटि फर्फरायो यो देशको राष्ट्रियझण्डा ?
क-कसले खोज्यो निभाउन
विचारका राँकाहरू ?

कहाँसम्म फैलियो
जलाइएका झुपडीहरूको गन्ध ?

झोलाभरि
देशको गीत बोकेर
कोको गएका छन् सीमानाको खोजीमा ?

क-कसले बजार्यो बुट
विधुवा र टुहुरा छातीहरूमा ?

कतिचोटि चिच्यायो
घण्टाघर
र, कोको ब्यूाझिए ।
मलाई यो पनि थाहा छ
यही शताब्दीमा भत्किने छ
मालिक र दासबीचको पर्खाल ।
यही शताब्दीमा फेरिने छ
संविधान ।

यही शताब्दीमा
युगले-युगलाई सुम्पिने छ नासो

यत्तिखेर
खुल्ला आकाश मुनी बसेर
म पहरेदारी गरिरहेाछु
इतिहासको लिखितअलिखित अध्यायहरूको
र, गुन्गुनाइरहेछु
यही शताब्दीमा फेरिएको
यो देशको राष्ट्रियगान ।

प्रदीप राजभन्डारी (काठमाडौ)

Author - प्रदीप राजभन्डारी (काठमाडौ) | Posted on Dec 23 2010 Thursday | Views : 8250
कुसुस्को राष्ट्रिय कविता प्रतियोगिता २०६७


थप साहित्यहरू / Other Literature


  • अहम् (सान्त्वना)
  • आगोको भोक (तृतीय)
  • पागलहरू (द्घीतिय)

  • Recent Literature
    सडक (प्रथम) by प्रदीप राजभन्डारी (काठमाडौ) on Dec 23 2010 Thursday
    पागलहरू (द्घीतिय) by ताराप्रसाद गिरी (गुल्मी) on Dec 23 2010 Thursday
    आगोको भोक (तृतीय) by राजेन्द्रप्रसाद पन्त/बैराकवी on Dec 23 2010 Thursday
    अहम् (सान्त्वना) by श्यामकुमार भट्टराई on Dec 23 2010 Thursday
    Photo Galleries

    कुसुस्कोस हाजिरी जवाफ प्रतियोगिता २०६९

    Un Photo Gallery

    KSTM Kavita gosti pics ( 2065/6/4)

    Poem Competition 2066