जीवन सपना र मृत्यु
नरेश सुनुवार
प्रकृतिद्वारा प्रतिपादित
यो ब्रम्हाण्ड
यो जगत
यो जीवन
प्राणी जीवनका दुई अस्तित्व
पशु
मान्छे
पशु
!मान्छे
!प्राणीहरू भित्रको
एउटा प्राणी मान्छे
र
यान्त्रिकतामा हतारिएको समय
जसको उचित अवसरका मौका छोप्न
आफ्नो लक्षित गन्तव्यतर्फ हतारिएर
स्वाँ स्वाँ गर्दै
फ्वाँ फ्वाँ गर्दै
देखिने तर नबुझिने
मात्र अनुमान गर्न सकिने
कुदिरहेका यी मान्छेहरूको
जो कहाली लाग्दो भीड छ
उनीहरू सँगसँगै
त्यस भीडमा म पनि कुदिरहेको थिएँ
छिचोल्दै छिचोल्दै
मान्छेका भिडहरूलाई
पार गर्दै थिए सडकहरू
जो आफ्नै गन्तव्य ताकेर
निरन्तर अगाडि बढ्दै थिएँ
म भाग्न खोजे
त्यो मृत्युको बधशालाबाट
म मुक्त हुन खोजे
मृत्युको पञ्जाबाट
तर
मृत्यु अगाडिबाट आउन सक्दो रहेछ
मृत्यु पछाडिबाट आउन सक्दो रहेछ
मृत्यु दायाँ बायाँ तल माथि
सबै दिशाबाट आउँन सक्दो रहेछ
जुनै काल
म !
पुनः जन्मेको छु दोश्रो पटक
र