कलमको मन


गोबिन्द लम्साल

मुरली भञ्ज्याङ्-५ धादिङ्ग

 

रातो प्लेट र्फममा

काला, निला, सेता र

रातै रंगका मसिहरू लिएर

म संविधान लेख्ने

तरखरमा छु ।

थाहा छैन कुन मसिले

स्पष्ट लेखिन्छ संविधान

मेरो प्लेटर्फम रातै छ

कतै आलो रातो, 

कतै सुकेको रातो त

कतै रातोमाथी रातैरंग

बारम्बार पोतिएका

धर्साहरू देखिन्छन् ।

 

हाम्रो बाजेले संविधान लेख्दा

कलश थापेर

कलशमुनि बसेर

संविधान लेखे रे

ति पूर्ण कलशको छत्रछाँयामा

अटेनन् शुक्रराजहरू ।

 

हाम्रो बुवाले संविधान लेख्दै गर्दा

गुरू मेरी चढाएर

गुरूको निगाहमा

संविधान लेखे रे

गुरूभेटीमा पनि विकेनछन्

शिवहरीहरू  !

संविधान कसैलाई मनपर्ने

एकथरी रंगले मात्र पोतिएको

बोर्ड हुनुहुँदैन,

संविधान कुनै रगंका ठेक्का

बोकेर हिडेका

रगं ठेकेदारहरूको

क्यानभास पनि हुनुहुँदैन ।

संविधानको प्रत्येक शब्दमा जीवनको रंग देखीनुपर्छ

संविधानको प्रत्येक मात्रामा

समानताको आभाव भेटीनुपर्छ

त्यसैले

रातो प्लेटफर्ममा

पूर्ण रंग र

सम्पूर्ण शब्दहरू लिएर

संविधान लेख्ने तरखरमा छु ।


Author - गोबिन्द लम्साल | Posted on Aug 6 2010 Friday | Views : 5057
कुसुस्को राष्ट्रिय कविता प्रतियोगिता २०६६


थप साहित्यहरू / Other Literature


  • रेवन चस्मा
  • क्यानभासमा देश
  • जीवनका मूल्यहरू
  • \"आखिर\"
  • यो देश आज

  • Recent Literature
    सडक (प्रथम) by प्रदीप राजभन्डारी (काठमाडौ) on Dec 23 2010 Thursday
    पागलहरू (द्घीतिय) by ताराप्रसाद गिरी (गुल्मी) on Dec 23 2010 Thursday
    आगोको भोक (तृतीय) by राजेन्द्रप्रसाद पन्त/बैराकवी on Dec 23 2010 Thursday
    अहम् (सान्त्वना) by श्यामकुमार भट्टराई on Dec 23 2010 Thursday
    Photo Galleries

    Un Photo Gallery

    Greetings

    Village Photos

    कुसुस्कोस हाजिरी जवाफ प्रतियोगिता २०६९